dimanche 7 septembre 2014

Carnaval Bardo 2013/ Érections Tunisie 2014

Mais alloo c'est quoi ce carnaval ??? Une remarque qui se repete souvent ces jours concernant le sit-in du Bardo !!
ياخي بربي ناوين طيحو تأسيسي ولا ناوين طيحو على مهرجان قرطاج ؟؟؟ واللهي مذبية نسميه sit-in toutes options: هو
 scene هو mise en scene  هو wifi و موسيقى وحطايت على كل لون يا كريمة .

Oui certes, on a le droit de porter ce qu'on veut, on a le droit d'être présentable mais n'abusez pas !!! On n'est pas là pour présenter un show !!! 

و شقان الفطر، إي صحيح فكرة بهية surtout  كيف نشوف " esprit " متع التونسي اسلم على خوه تونسي و يقسم معه اش كتب من ربي !! أما كيف تولي " PIKNIK" على ضفاف خاصة باردو و ريق vise هاك اولي كل واحد اشد درو خير !! و زيد طولو على خيمة السياسيين ومنحبش نقول نواب على خاطر بعض النواب انصهروا مع المعتصمين . السياسيين العشا بلفرشيتة و سكينة على طاولة ناقصهم كن فرقة العازفات باش اعدوا بها العشاء في حين إنو أولاد الشعب متمرمدين إلي ياكل واقف ولي في كياس فارش.
و من غير منحكي على الزولي إلي في الأحياء المهمشة و إلي مش لاقي حتى طرف خبز و كويس ماء في المغرب وقتلي في باردو المكلة بمالذ و طاب تتلوح و المصروف الأزرق إلي يتحط على المنصات و decors.
اليوم هو قال لقاء بين الاتحاد و رشودااا و بعد بن بجبوج و النهضة ، قال شنوا مصلحة البلاد !!
بربي مازلت مصدقين إلي الأحزاب قلبها على البلاد ؟؟ مازال عندكم أمل إنو المعارضة همها الأول الزولي ؟؟ و إلي مخو قال إنو مهرجان باردو باش يوصل اطيح حتى يجورة من المجلس التأسيسي رو غالط !!
شخصياً كنت ديمة نبعد من كل حاجة تدعي للعنف و إلا إحتجاج بعنف لكن اليوم الواقع يفرض علينا إنو تكون الاحتجاجات عنيفة ، مسيرة قوية لازم تجوب البلاد ، عصيان مدني لزم اكون شرس ( لا نخلصو فترات و لا نقل و لا ضرائب حتى إسقاط النظام ) وكان إقتضى الأمر إقتحام المجلس التأسيسي و قبلو مقر السلطة في montplaisir!!
تي بربي اش ربحنا منها ها السلمية؟؟؟ كان اغتيالات سياسية و- مساجين رأي !! ولد الشعب إخزز في الحبوسات و سي زيكو زيكو  إسيبلي في المجرمة و تحبونا نسكتوا ؟؟!!!!!الله غالب معادش السلمية تجيب surtout مع كلاب الدم. و كيفما قال الشهيد الرمز، القائد شكري بالعيد " لزمنا نقفوا لبلدنا !! "
النهضة ماهيش باش تسلم في الحكم بالساهل، خاطر الاخوان عمرهم ما كانوا يفهموا بالكلمة ، يهم كان بالقوة !! و حتى إلي قبلهم كيف كيف aprés tout هنا نشوفو فيهم خرجوا من الباب رجعوا من الشباك !! لذا الشعب لازمو ينتفض و تقوم ثورة شعبية!! و منخفوش شعبنا عظيم و قدر يقف لبلادو لوكان juste يقوم من السبات إلي فيه !!!   

       

 
  

       


 

Je voulais un mec...

Depuis toute petite j'avais cette belle image de mon futur amoureux. Elle n'était pas conventionnelle vu je ne cherchais pas un beau, musclé et riche.Ce que je voulais, était un mec mignon, gentil et sincère avec lequel je pourrais rester gamine, garder mon innocence.

 Je voulais un mec avec qui je pourrais me chamailler comme deux enfants en maternelle et lui raconter ma journée comme une adolescente qui joue dans la cours des grands.

Je voulais un mec avec qui je pourrais être moi même, pas besoin de maquillage, ni de talons horribles.Un mec qui aime la simplicité.

Quand j'étais petite, j'imaginais déjà mon mec avec un sourire rassurant, simple et réconfortant. Car oui, je voulais un mec qui me rassure,un mec avec qui je n'aurais pas peur du temps qui passe ni des jours à venir.

Je voulais un mec amusant, qui ne se prend pas la tête pour les futilités de la vie et qui soit courageux, et pas n'importe quel courage!! Le genre de courage qui le pousse à défier la vie, à rêver et essayer de réaliser ses rêves ( nos rêves)

Je voulais un mec qui croirait en moi, croirait en mes ambitions et mes rêves et  qui me pousserait à avancer (ensemble).Le genre de mec qui serait énervé si je laisserais tomber mes buts et mes rêves.

Je voulais un mec qui prendrait soin de moi si je tombais malade, qui saura me réconforter, partagerait avec moi le quotidien, me raconterait sa journée et surtout avec qui je pourrais faire des bêtises.

Je voulais un mec qui voudrait avoir une famille, qui ne ferait jamais passé quelqu'un avant sa maman et qui saurait que rien ne vaut une maman. Le genre de mec qui aimerait ma mère car au final c'est grâce à elle que je suis en vie.
Je voulais un mec qui saurait apprécier un bon matin de printemps, adorerait les chatons ( au moins qu'il fasse semblant pour moi héhé) et
 surtout qu'il soit humain.

Depuis petite, je savais quel genre de mec je voulais...que je veux et que je voudrais ....


samedi 9 août 2014

ماتمشيش !!

أول مرة نتمنى إنو نكون معرفتوش ، محكتش معه .. أول مرة نتمنى اني محبتوش

متسألنيش زعمة إيحبني ولا لا ، زعمة إعزني ولا لا ، زعمة عينوا فيا وإخمم فيا خاطر منعرفش وخايفة لوكن نعرف نزيد نغرق ولا نموت مخنوقة بالحسرة

نسال روحي زعمة كيفاه انجم نعيش بعيدة عليه ، كيفاه أيماتي باش تكون ، كيفاه  باش نجم نضحك ونحكي وعلى شكون باش نحكي ، لشكون باش نحكي

أول مرة نشوف لحقيقة و منكذبش على روحي أما خايفة ، خايفة لا نخليه يمشي خاطر روحي متعلقة فيه ، روحي لسقت فيه، هذيك متحشمش ميهمهاش تبيعني و متبعوش 
نقول إلي نا قوية و تعلمت ملي جرالي قبل ، خليني نبعد نكون قوية بالحق و ربي اوجه خير أما صعيبة، توجع ، تعرفوها هيك الوجيعة في القلب و روحي للي تولي وجيعة في البدن  

أول مرة نبكي و نتمناه لوك بحذ خويا وقتها نقول هاذاك عمرو، نتمنى وبعد نتفجع ونقول لا خليه ربي يفرح ويعمل جو و نا ميسالش نتشوى ونتكوى ستانست

مخيبها كيف اكون نفس شخص هو إلي تتمناه اعدي حياتو معك و زيد هو نفسو عشيرك إلي تضرب بسوايع تحكيلو على هم دنيا وعلى فرحتك ومشاريعك وخرم إلي في مخك الكل ، يسمعك و ساعة احاول يفهمك 
مخيبها كيف يبدا هو نفس الشخص إلي تمنوا على سرك و هو إلي صوت افرحك و حكاياتو تعشقهم ... أما في نفس الوقت هو زادة نفس الشخص إلي تنجم تبيع دنيا على خاطروا ، هو شخص إلي على خاطروا رجعت تعيش 
مخيبها إلي تبدى بن نارين... نار إنو تخسروا و نار إنو يبعد ... خايفة بش نموت خاطر كان نخسرو بش نخسر عشيري ، و في نفس الوقت  عمري لا كذبت عليه ، منجمش نكذب عليه و زيد لباش اجي نهار ويعرف 

خايفة نخسرو ، خايفة يفهمني بالغلط و وخيفة يبعد، يمشي و ميرجعش ... كلامي انجم اكون بهيم و مش مفهوم أما هذيك دنيتي عمرها لا كنت مفهومة ، ديمة دخلة بعضها ..

ساعات كيف نفرح نخاف و ساعات كيف يبداو إلي نحبهم معايا نبدى نستنى في نهار كيفما اليوم وين بش أعز ناس على قلبي باش يبعد باش يمشي و ما يرجعش 

حياتي ديمة ترجع نفس نقطة .. البعد و فراق و دموع ... لحكاية بدات بخويا أعز ما عطتني دنيا و باش توفى بيه هو ... 

lundi 14 avril 2014

بيان تنديد و تحية لشهداء تونس

نتفكر أول ما بديت ننشط في UGET بعد بايامات قررت بش نخرج، مش خوف ولا مش جوي أما فديت من برى شوف إتحاد الشباب ، هو شوف طليعة. نبدى قاعدة مع جماعة UGET في INSAT تقول قاعدة في إجتماع احزاب. ومن غي منحكلكم على مشاكل مع ما يسمى كتلة، في باعوا قضية ، في قوادة إلخ ... فديت قلت لا منجمش نكسر راسي... مشيت نجري نحكي لاقرب انسانة لي ، تنجموا تحسبها أمي ثانية، أختي قلتلها يا تا فاطمة والله منجمش تعبت فدوني ... قتل لا مايجيش هل كلام يا نجاة لازمك تقف ، بلد حاشيتها بالناس إلي كيفك و UGET زادة.
رجعت ليوم إلي بعدو و بدات حكايتي مع UGET ، ناس إلي كنت مانيش حملتهم والو أقرب ناس لي ، حبتهم وحبوني والو عيلتي ثانية ... يفهموني ع رمش و-surtout عندهم ثقة فيا مهما نغلط كانوا يسمعوني نتناقشو ونتفاهمو صحيح نتعاركو في les réunions أما كيف نبدو مع ناس اخرين ديمة كلمة وحدة... في UGET تعرفت على برشة ناس تبدلت حبيت برشة ناس و surtout تعلمت
 نتناقش ونبدش راسي صحيح ( برشة) عملنا إضرابات وفقنا حقوق وعركنا في وزارة ومش مزية هذاك واجب و زيد قناعتنا .
كيف دخلت للUGET سمعت بالفاضل ساسي و الجبهة الشعبية لتحرير فلسطين، و حمة همامي و رفيق الشهيد شكري بالعيد ، سمعت زادة بوائل نوار ( بطل UGET ليوم) و سمعت برشة إلي كان في عمري و إلى أكبر شوي أما مواقفهم كنت مواقف ابطال احرار ، قدرتهم وحبتهم من غير منعرفهم. وكيف كيف سمعت بعباد احتقرتهم. حاصل دنيا جديدة وجو جديد ، حاولت ديمة نبقى نجاة متاع قبل صغيرة إلي قلبها أبيض ، حاولت ديمة نبقى لساني طويل، منبعش مبادئي ، حتى لوكن نغلط نحاول نصلح وحاولت surtout نكون صوت les étudiants متاع INSAT.
 كيف نكتب هكا نتفكر برشة حاجات حلوة ، مزيانة ضحكة و جو ... و ننسى المشاكل إلي صارت كل . مع إنو راي كلها مشاكل خفيفة ، وهذي قوة UGET مهما تخلفنا نبقو ديمة قلوبنا على بعضنا.
كيف بديت نكتب كنت فرحانة وقتها وائل نوار عن طريق إضرب بطعام حقق برشة مطالب عن سنين نجريو وراها. كنت فخورة به و بكل الرفاق علي نعرفهم ولي منعرفهمش.أما ليوم إن حزينة، تقول عن زنازة. إي هي حقيقةً زنزة ، زنذت ثورة مسروقة دم شهداء محقور.
نهار الجمعة دفن ثورة ابطال، نهار الجمعة وضعنا كرامة شعب وقلنا على ضالين أمين ، نهار الجمعة القضاء العادل حرر صفحة تونس ، نهار الجمعة أم شهيد قصرين و تالة ثانية في محكمة ، دزوها بش نساء كلاب بن علي يتعداو مرتاحين.
نهار جمعة عدت تونس إلى عاداتها الحميدة ، نعفسو على الشعب الزولي بش كليب سلطة إعيشوا فرحانين. تبكي أم الشهيد و متبكيش ميمي مينوش على son papa et ses sacs louis vuitton.   
وينك يا شكري ، وينك يا حشاد ، وينكم يا رجال هل بلد إلي دمها ساح بلا فايدة. وينكم يلي بقلمكم زعزعتو جبال؟ ليوم كيف نرى صمت و سكوت الأحزاب نعرف إلي هيك خطابات كلها لعبة سياسية و إلي في هل بلد لا ثمة قوة ثورية و لا يمين متطرف . كلهم يكذبوا .... كاذبة كلها تجار بدم كلهم .... تجر بدم شهيد و بقضية البطل و بدين .....
في إنتظار بياناتكم بو دورو وفي إنتظار تنددتكم وريقكم بارد .... يزيكم م دعارة سياسية راهي أتعس تجارة ... حسبي ربي فيكم يلي مشيتو في جنازة شكري و نادتو " شكري حي " شكري تلته ليوم بجبنكم وبعنكم للقضية   

dimanche 26 janvier 2014

تونس ؟؟ فكروني أنهي تونس ؟؟؟

تونس غنية كيف بش تعطي فلوس للكلاب إلي سودلنا مستقبلنا ... أما تونس فرنكل كيف بش داوي وحدة من وردتها كيفما مرام و تعطها حقها " حق الحياة" 

تونس غنية كيف بش تمول احزاب الهانة و رقود جبانة ... أما تونس فقر للعنكوش كيف بش ترجع حق جرحى ثورة ( منحكوش عالشهداء خاطر دمهم متصيسش بفلوس )

تونس غنية كيف بش تشري غاز وكرطوش بش تخنق وتقتل ولادها ... أما تونس تقريلو ( كيفما اقولو ولاد لحوم)  كيف بش تعطي لزوالي المم

تونس لسانها طويل كيف بش تكفر و تفتي بقتل... أما تونس لسانها يتقص كيف بش تنادي بحق ولدها ودم صغارها ، بحقها إلي اغتصبوه 

تونس مقواه في عينين عملة وخونة .... تونس مسكنة في عينين ولادها تشكي وتبكي غدر زمان ولادها العائقين 

lundi 13 janvier 2014

كان اسمو شكري بالعيد

كان اسمو شكري بالعيد
 وتوا ولا اسمو وجيعة  ولا اسمو ثورة
 اسمو تونس ... تونس إلي بدم الشهيد تحيا وتتنفس  .... 
هو وجيعة في قلوب رفاقو, دمعة في عينين بنتو وحسرة في قلب مارتو 
هو روح الشارع .. هو قلب الزوالي ... صوت الجيعان
 هو حكاية التراكن و صوت الحرية ... هو نبض الجامعة
هو حكاية مزيانة .. فرحة بلد .. نهضة شعب  ( متخفوش هو نهضة بالحق ، مش حركة عملة بللعاني )
هو حبيب البسمة و فرحة نيروز و ضحكة ندى  
هو ريحة الياسمين و رطابتو ... هو هبلة البحر و عشقو
هو أصل وفصل ، هو بداية إلي عمرها مايكون عندها نهاية
هو شكري بالعيد  ...............هو تونس