تونس غنية كيف بش تعطي فلوس للكلاب إلي سودلنا مستقبلنا ... أما تونس فرنكل كيف بش داوي وحدة من وردتها كيفما مرام و تعطها حقها " حق الحياة"
تونس غنية كيف بش تمول احزاب الهانة و رقود جبانة ... أما تونس فقر للعنكوش كيف بش ترجع حق جرحى ثورة ( منحكوش عالشهداء خاطر دمهم متصيسش بفلوس )
تونس غنية كيف بش تشري غاز وكرطوش بش تخنق وتقتل ولادها ... أما تونس تقريلو ( كيفما اقولو ولاد لحوم) كيف بش تعطي لزوالي المم
تونس لسانها طويل كيف بش تكفر و تفتي بقتل... أما تونس لسانها يتقص كيف بش تنادي بحق ولدها ودم صغارها ، بحقها إلي اغتصبوه
تونس مقواه في عينين عملة وخونة .... تونس مسكنة في عينين ولادها تشكي وتبكي غدر زمان ولادها العائقين