mercredi 27 mars 2013

رجولية أخر زمان


سماع برشة منهم ، حكولي على معانتهم في حبس ، قلتلهم هو جاكم عهد تغير صحيح ، هي جات الحرية 
سمعتهم وتمنيت المعاناة تحبس ، تمنيت إلي صاير في للحبوسات  ياقف !! أما كيف سمعتهم قلت الحمد لله إلي الظاهرة هذي قليل وجودها في الشارع .
سمعتهم وبكيت معاهم ، حسيت عليهم و تعدت أيام وقعت في كل ليلة كيف نغمض عيني نتفكرهم ونتفكر لوجيعة إلي في قلوبهم !!
ليوم وبعد " عهد التغير " ، " عهد الثورة " تبدلت الدنيا و تبدلت البلاد ، خرج الخنار الكل من حبس !! 
سمعت وتفرجت في برشة منهم ، دموعهم تجري وهما يحكيو على العذاب إلي شافوه !! كل وحدة تقولك علاه انا ؟؟ حرام عليهم !!
و كل وحدة تعود نفس الكلمة : " عركني و سبني !! وكيف جاوبت قلي اتو نورك رجولية اش تعمل "
رجولية ؟؟!! تي على أنا رجولية تحكوا ؟؟ ولا هذا المعنى الجديد ل الرجولية ؟؟
بربي فهموني يخي رجولية بضرب وسب وزيد 3 في طفلة ؟؟
يا سيد تراه ورني رجولتك في خدمة و إلى في عمل إنساني تعاون به محتاج !! خاطر هذي الرجولية إلي نعرفها !!
فتت الرجولية الطفلة علي مروحة مخر و بنية إلي مع صاحبها مروحة !! و جات بش تغتصب روح البراءة !!
جات و مست ببنية صغيرة متعرف في دنيا كان الضحكة ولعب ، مازلت عصفور جنة حتى لكلام مازالت تعرفش تنطقو !! 
جات هل الرجولية إلي عملة بالعاني و فكذا من صغرها من دنيا الوردية إلي كنت عايشة فيها !! قتلتها وكرهتها في الدنيا و ما فيها !! 
بربي فسرولي يخي هذي الرجولية ؟؟ تي هذا مرضه يحكم على بلد كاملة انها تلبس لكحل و تقبل العزاء في ولادها إلي البهامة قتلتهم !! 
وبعدها طلعوا بني غلمان أصحاب اللحي و فتاوي وهابية ، وقلك الغلطة غلطة الطفلة إلي مفتش عمرها 3 سنين ، هي إلي أثرت " الرجولية " إلي فيه !!
قول مش عجب من جماعة نكاح القاصر و زواج المتعة ، مو عقلهم ميخمم كان في خماج !! ربطوا شرف أمة بصدر طفلة و بشعرها المعري !! حطوا شرفهم في فخذهم !!
أما انتوما يا متاع الحرية و عادلة وحقوق النساء !! وينكم ؟؟ تكلمتو كيف بنية عراة روحها وقلتوا هذا حقها و " جسدها و هي حرة فيه " وسكتوا كيف الطفولة تتسرص من عينين بنية تونسية مازالت مرت في دنيا شي !!
إي و وينو محرر الكنارو ؟؟ و إلى هاذاك جهيد ؟؟ جا و بلانا بمصيبة حطوها وزيرة مرأة وهي متلثلش نساء  بلادي على خاطر نساء بلادي نسا ونص و عمرهم ما يسكتوا على حقهم !!!   

Aucun commentaire:

Enregistrer un commentaire