يا شكري وينك ؟؟ يا شكري فيق !! يا شكري فيقلهم !!
يا شكري الكلاب خانوا البلاد
يا شكري وينك ؟؟ وين خليت البلاد ؟؟
تحالفوا مع الازلام !! تحالفوا مع إلي عذبوك وهانوك وقلنا الله غالب الظروف تحكم !!
يا شكري اجة شوف رام خانوا لبلاد ، يا شكري رام خانوا دمك ... خانوا الوعد
اليوم جايين يحكوا على وحدة وطنية و نساو إلي الوطن متوحد ، تونس إلي عرفتها ، تونس إلي حبيتها و حبتك اليوم كلمة وحدة : المقاومة حتى إسقط النظام !!
تونس إلي بكات عليك ، تونس إلي شيعاتك للجلاز اليوم يد وحدة ، تنادي و تصيح " اليوم اليوم النهضة طيح اليوم "
و أشباه الثوريين جايين اليوم احبوا أرضية توافقية !! مع شكون ؟؟ مع إلي قتلوك !!!!
يا رفاقي ، اليوم وصلنا إلى مرحلة اللاتصالح ، اليوم وصلنا إلى نقطة اللارجوع إلى الوراء !!
كفانا حسابات سياسية !! اليوم الخضراء حاشيتها باولادها ، حاشيتها بحبكم اللامشروط ، المهبول إلي مايعرفش وسطية !!
تابعوا قلوبكم إلي تنادي من جواجها " لا تصالح لا تصالح مع العصابة النهضوية "
يا شكري وينك ؟؟؟ وين مشيت ؟؟ يا شكري جاوبني !!!
يا شكري قولهم عيش ، قولهم يقفوا لبلادهم !! يا شكري قولهم راهو لبلاد بلا باهم سعدها تكب !!! و أنت يا حشاد وينك؟؟ يا حشاد اجا شوف الاتحاد آش جرى فيه !!
يا حشاد يا زعيم طبقة الشغيلة إيجى شوف الاتحاد كفة ولا كورة إلي يسوى و إلي ميسواش !!
يا حشاد الاتحاد رجعوه أطرش ، معادش يسمع صوت الشعب !! الشعب إلي إنت حبيتو و بدمك حدت الاستقلال
يا حشاد تتفكر كيف صحت وقلت " أحبك يا شعب " نهرتها اعترفت بحبك إليه ، ما قلتش نحبك يا حزب وإلى نحبك يا كرسي
نهرتها شاشيتك فوق راسك ، هزوك فوق أكتافهم العامل و الفلاح و قلتلهم " أحبك يا شعب "
يا رفاقي ، حشاد خلا وصية " أمانة في رقبتنا العمال ، أمانة في رقبتنا الزولي"
يا رفاقي هبوا لمجد البلاد ، هبوا لنجدة البلاد ... فلا عاش في تونس من خانها
يا رفاقي خلقتم لتكتب تاريخ نصرة الخضراء ، خلقتم لتكونوا جيوش الثورة .. هذا قدركم !!!
Aucun commentaire:
Enregistrer un commentaire